Baramati | वडगाव निंबाळकर पोलिसांची दमदार कारवाई — बेकायदेशीर गावठी दारू विक्री व वाहतूक करणाऱ्या चौघांविरुद्ध गुन्हे दाखल..

 

वडगाव निंबाळकर (ता. बारामती) | प्रतिनिधी

                                    वडगाव निंबाळकर पोलिसांनी केलेल्या दोन वेगवेगळ्या कारवाईत बेकायदेशीर गावठी हातभट्टीची दारू विक्री व वाहतूक करणाऱ्या चार इसमांवर गुन्हे दाखल करण्यात आले आहेत. या दोन्ही कारवाईत एकूण 240 लिटर हातभट्टीची दारू, एक चारचाकी इर्टिगा कार, एक दुचाकी स्कुटी, तसेच मिळून ₹5,66,600/- किमतीचा मुद्देमाल जप्त करण्यात आला आहे.

पहिली कारवाई – निंबुत येथे इर्टिगा गाडीतून हातभट्टीची दारू जप्त

दि. 18 ऑक्टोबर 2025 रोजी रात्री 10 वाजता, पोलिसांना मिळालेल्या गोपनीय माहितीनुसार मौजे निंबुत गावाच्या हद्दीत संशयास्पद मारूती सुझुकी कंपनीची पांढरी इर्टिगा गाडी (MH-42 AQ-1006) अडवून पाहणी करण्यात आली.

तपासात गाडीतून 35 लिटर मापाचे निळ्या व काळ्या रंगाचे एकूण 6 कॅन (एकूण अंदाजे 210 लिटर) हातभट्टीची तयार दारू आढळून आली. गाडीवरील इसम अनिरूद्ध भालचंद्र तुरकुडे (रा. कसबा बारामती, ता. बारामती, जि. पुणे) याने चौकशीदरम्यान सांगितले की, हा मुद्देमाल विट्ठल चव्हाण (रा. पाहुणेवाडी, ता. बारामती, जि. पुणे) यांच्या सांगण्यावरून आणला आहे.

सदर इर्टिगा गाडी व दारूचा मुद्देमाल मिळून ₹5,09,600/- किंमतीचा जप्त करण्यात आला असून महाराष्ट्र दारूबंदी कायद्याअंतर्गत गुन्हा नोंदविण्यात आला आहे.

या प्रकरणाचा तपास पोलीस हवालदार सागर देशमाने करीत आहेत.

दुसरी कारवाई – मुर्टी गावात स्कुटीवरून दारू वाहतूक

दि. 7 ऑक्टोबर 2025 रोजी रात्री 10 वाजता, मौजे मुर्टी गावात पोलिसांनी मिळालेल्या गुप्त माहितीनुसार टीव्हीएस कंपनीची ज्युपीटर स्कुटी (MH-42 BG-2389) अडवून पाहणी केली. तपासात गाडीवरून 35 लिटर मापाचे दोन कॅन (एकूण अंदाजे 70 लिटर) हातभट्टीची तयार दारू सापडली.

गाडीवरील इसम प्रमोद प्रकाश नवले (रा. निंबुत, ता. बारामती, जि. पुणे) आणि शुभम सुरेश शिसोदिया (रा. मारवाडी चाळ, दर्पन टॉकीज, दहोद, गुजरात) यांनी विचारले असता उडवाउडवीची उत्तरे दिली.यानंतर सदर मुद्देमाल व स्कुटी जप्त करून वडगाव निंबाळकर पोलीस स्टेशन येथे महाराष्ट्र दारूबंदी कायद्यानुसार गुन्हा दाखल करण्यात आला आहे.

या कारवाईत ₹57,000/- किंमतीचा मुद्देमाल जप्त करण्यात आला असून तपास पोलीस हवालदार कुंडलिक कडवळे हे करीत आहेत.

कारवाईत एकूण साडे पाच लाखाचा मुद्देमाल जप्त..

दोन्ही कारवाईत मिळून एकूण 240 लिटर गावठी हातभट्टीची तयार दारू, 1 चारचाकी इर्टिगा गाडी, आणि 1 दुचाकी स्कुटी असा मिळून ₹5,66,600/- किंमतीचा मुद्देमाल जप्त करण्यात आला आहे.

वरिष्ठ अधिकाऱ्यांच्या मार्गदर्शनाखाली कारवाई

ही संपूर्ण कारवाई पोलीस अधीक्षक संदीपसिंह गिल्ल, अप्पर पोलीस अधीक्षक गणेश बिरादार (बारामती विभाग), आणि उपविभागीय पोलीस अधिकारी सुदर्शन राठोड यांच्या मार्गदर्शनाखाली सहाय्यक पोलीस निरीक्षक नागनाथ पाटील, पोलीस उपनिरीक्षक राहुल साबळे, पोलीस उपनिरीक्षक दीपक वारूळे, पोलीस हवालदार कुंडलिक कडवळे, सागर देशमाने, पोपट नाळे, पोलीस शिपाई विलास ओमासे, आबा जाधव, सूरज धोत्रे यांनी मिळून केली.